AKBTSystem кутубхонанинг бутун ишини битта веб-тизимга жамлайди: каталоглаштириш, китоб бериш, китобхонлар, фонд ҳисоби, электрон каталог ва ҳисоботлар. Дастур ўрнатиш шарт эмас — ҳаммаси браузерда ишлайди.
AKBTSystem — Ўзбекистон кутубхоналари учун ишлаб чиқилган булутли автоматлаштирилган кутубхона-ахборот тизими (АБИС, АКАТ). Уни кутубхона дастури, кутубхона CRM ёки АРМ (ахборот-ресурс маркази) тизими деб ҳам аташади: кутубхоначи китобни каталоглайди, китобхонга беради, фондни ҳисобга олади, китобхон эса электрон каталогдан китоб қидиради ва банд қилади.
Ҳар бир ташкилот ўз манзилида — tashkilot.akbtsystem.uz — ва алоҳида маълумотлар базасида ишлайди. Интерфейс ўзбек, рус ва инглиз тилларида.
Тизим модуллари
Каталоглаштириш: MARC21 муҳаррири, УДК ва ББК классификаторлари, муаллифлик белгиси (Xavkina жадвали), авторитет ёзувлар
Китоб бериш ва қайтариш: штрих-код ёки инвентар рақами, узайтириш, банд қилиш, жарималар, ўқув зали
Китобхонлар: рўйхатга олиш, китобхон гувоҳномаси (PDF, штрих-код), HEMIS билан синхронлаш, OneID орқали кириш
Электрон каталог (OPAC): қидирув, филтрлар, лотин–кирилл транслитерацияси, банд қилиш, китобхон кабинети
Фонд ҳисоби ВМҚ-552 асосида: КСУ, инвентар дафтари, ҳисобдан чиқариш далолатномалари, инвентаризация
Хабарномалар: Telegram бот, SMS ва э-почта орқали муддат эслатмалари
Кимлар учун?
Тизим олий таълим муассасалари (ОТМ) кутубхоналари ва ахборот-ресурс марказлари учун қурилган: HEMIS интеграцияси, аккредитация 43-мезон ҳисоботи, фанлар бўйича адабиёт таъминоти. Мактаб кутубхоналари учун алоҳида мактаб режими ва дарсликлар модули бор. Жамоат ва идоравий кутубхоналар ҳам фойдаланиши мумкин.