Kutubxona tizimi: kutubxonani avtomatlashtirish (ABIS / AKAT)

AKBTSystem kutubxonaning butun ishini bitta veb-tizimga jamlaydi: kataloglashtirish, kitob berish, kitobxonlar, fond hisobi, elektron katalog va hisobotlar. Dastur o'rnatish shart emas — hammasi brauzerda ishlaydi.

AKBTSystem nima?

AKBTSystem — O'zbekiston kutubxonalari uchun ishlab chiqilgan bulutli avtomatlashtirilgan kutubxona-axborot tizimi (ABIS, AKAT). Uni kutubxona dasturi, kutubxona CRM yoki ARM (axborot-resurs markazi) tizimi deb ham atashadi: kutubxonachi kitobni kataloglaydi, kitobxonga beradi, fondni hisobga oladi, kitobxon esa elektron katalogdan kitob qidiradi va band qiladi.

Har bir tashkilot o'z manzilida — tashkilot.akbtsystem.uz — va alohida ma'lumotlar bazasida ishlaydi. Interfeys o'zbek, rus va ingliz tillarida.

Tizim modullari

  • Kataloglashtirish: MARC21 muharriri, UDK va BBK klassifikatorlari, mualliflik belgisi (Xavkina jadvali), avtoritet yozuvlar
  • Kitob berish va qaytarish: shtrix-kod yoki inventar raqami, uzaytirish, band qilish, jarimalar, o'quv zali
  • Kitobxonlar: ro'yxatga olish, kitobxon guvohnomasi (PDF, shtrix-kod), HEMIS bilan sinxronlash, OneID orqali kirish
  • Elektron katalog (OPAC): qidiruv, filtrlar, lotin–kirill transliteratsiyasi, band qilish, kitobxon kabineti
  • Fond hisobi VMQ-552 asosida: KSU, inventar daftari, hisobdan chiqarish dalolatnomalari, inventarizatsiya
  • Butlash: yetkazib beruvchilar, buyurtmalar, byudjet, davriy nashrlar obunasi
  • Hisobotlar: 1-kutubxona statistik hisoboti, akkreditatsiya 43-mezon, Excel va Word eksport
  • Elektron kutubxona: PDF, EPUB, DjVu, audio va video fayllar, suv belgili o'quv zali ko'ruvchisi
  • Tadbirlar, kitobxonlik klublari, tashriflar hisobi, kutubxonalararo abonement
  • Xabarnomalar: Telegram bot, SMS va e-pochta orqali muddat eslatmalari

Kimlar uchun?

Tizim oliy ta'lim muassasalari (OTM) kutubxonalari va axborot-resurs markazlari uchun qurilgan: HEMIS integratsiyasi, akkreditatsiya 43-mezon hisoboti, fanlar bo'yicha adabiyot ta'minoti. Maktab kutubxonalari uchun alohida maktab rejimi va darsliklar moduli bor. Jamoat va idoraviy kutubxonalar ham foydalanishi mumkin.

Nima uchun bulutli kutubxona tizimi?

  • Kompyuterlarga dastur o'rnatilmaydi — istalgan brauzerdan ishlaydi
  • Server, zaxira nusxa va yangilanishlar bizning zimmamizda: har kuni shifrlangan zaxira nusxa olinadi
  • Ko'p filial: bitta tashkilot ichida bir nechta filial va bo'lim, umumiy katalog
  • Xavfsizlik: rollar va ruxsatlar, ikki bosqichli kirish (MFA), audit jurnali
  • Shaxsga doir ma'lumotlar O'RQ-547 talablari hisobga olingan: rozilik, kirishlar jurnali, ma'lumot so'rovlari

Ko'p beriladigan savollar

Kutubxona dasturi qancha turadi?

Narx tashkilot hajmi va kerakli modullarga bog'liq. Ariza qoldiring — taklif yuboramiz.

IRBIS yoki Koha'dan o'tish mumkinmi?

Ha. Koha'dan yozuvlar, nusxalar va kitobxonlar ko'chiriladi; IRBIS'dan UNIMARC/RUSMARC ISO fayllari import qilinadi.

Internet uzilsa kitob berish to'xtaydimi?

Yo'q. Oflayn kitob berish rejimi bor — aloqa tiklangach amallar avtomatik sinxronlanadi.

Kutubxonangizni AKBTSystem'ga ulang

Ariza qoldiring — tizimni ko'rsatib, ulanish bo'yicha taklif yuboramiz.

Ariza qoldirish